Brautalýsingar
Almenn braut
Almenn braut er eins árs námsbraut með möguleika fyrir nemendur að færa sig yfir á stúdentsprófsbraut að loknu fyrsta námsári. Brautin er ætluð nemendum sem ekki uppfylla inntökuskilyrði á aðrar námsbrautir. Lögð er áhersla á grunnþjálfun í kjarnafögum. Nánari upplýsingar um áfanga á braut: Almenn braut
Starfsbraut
Starfsbraut er fyrir nemendur sem eru fatlaðir og geta ekki nýtt sér aðrar brautir skólans. Námið er bæði bóklegt og verklegt. Nám á brautinni er einstaklingsmiðað og er ætlað að undirbúa nemendur sem mest undir að vera sjálfbjarga í daglegu lífi og taka virkan þátt í þjóðfélaginu. Nánari upplýsingar: Starfsbraut
Félagsfræðibraut
Félagsfræðabraut er ætlað að veita nemendum undirbúning undir nám í mennta- félags- og hugvísindadeildum háskóla. Megináherslan er á samfélagsgreinar og viðskipta- og hagfræðigreinar. Nánari upplýsingar um áfanga á braut: Félagsfræðibraut
Félagsfræðabraut – íþróttafræðisvið
Félagsfræðabraut þar sem nemendur velja íþróttafræðisvið er ætlað að veita nemendum undirbúning undir leiðbeinendastörf hjá íþróttafélögum og frekara nám á háskólastigi í íþrótta- og heilsufræðum. Megináherslan er á íþróttafræði, íþróttagreinar og þjálfun auk kjarna á félagsfræðabraut.
Náttúrufræðibraut
Náttúrufræðibraut er ætlað að veita nemendum undirbúning undir nám í heilbrigðis- og raunvísindadeildum háskóla. Megináherslan er á náttúruvísindi, stærðfræði og aðrar raunvísindagreinar. Nánari upplýsingar um áfanga á braut: Náttúrufræðibraut
Náttúrufræðibraut – íþróttasvið
Náttúrufræðibraut þar sem nemendur velja íþróttafræðisvið er ætlað að veita nemendum undirbúning undir leiðbeinendastörf hjá íþróttafélögum og frekara nám á háskólastigi í íþrótta- og heilsufræðum. Megináherslan er á íþróttafræði, íþróttagreinar og þjálfun auk kjarna á náttúrufræðibraut.
Náttúrufræðibraut – búfræðisvið
Náttúrufræðibraut þar sem nemendur velja búfræðisvið er ætlað að veita nemendum undirbúning undir háskólanám í náttúru- og búvísindum og tekur að jafnaði 4 ár. Nemendur taka tvö fyrstu árin í Menntaskóla Borgarfjarðar þar sem megináherslan er á kjarnagreinar til stúdentsprófs og valdar greinar á sviði raunvísinda. Tvö seinni árin taka nemendur við búfræðibrautina á Hvanneyri. Nemendur útskrifast með stúdentspróf frá Menntaskóla Borgarfjarðar og búfræðipróf frá Landbúnaðarháskóla Íslands.
