Náttúrufræðibraut

Markmið náttúrufræðibrautar er að búa nemendur undir nám í raunvísindum og skyldum greinum á háskólastigi. Á náttúrufræðibraut er lögð áhersla á eftirfarandi grunnþætti; læsi, sköpun og sjálfbærni. Um er að ræða 220 eininga nám til stúdentsprófs. Námstími að jafnaði er 6 annir.

Lokamarkmið náttúrufræðibrautar:
Að nemandi

• hafi almenna undirstöðuþekkingu á sviði raungreina
• hafi sértæka þekkingu á afmörkuðum sviðum raungreina
• sé vel undirbúinn fyrir nám í raunvísindum í háskóla
• þekki til og geti beitt vísindalegum vinnubrögðum við úrlausn verkefna
• sé meðvitaður um gildi sjálfbærni í víðum skilningi
• sé meðvitaður um mikilvægi heilbrigðs lífernis
• beri virðingu fyrir náttúrunni og geti tekið ábyrga afstöðu til mála sem að henni snúa
• sé læs á upplýsingar á ýmsu formi og geti nýtt sér þær við að taka gagnrýna afstöðu