Menntaskóli Borgarfjarðar

Nú er busadagur í skólanum.  Nemendur fengu forlátan hausklút í morgun og eiga að vera með í dag.  Einnig hafa verið límdar línur á gólfin sem nemendur eiga að fara ganga eftir.  Allt hefur þetta farið friðsamlega fram enda hefur ekki tíðkast að vera með busavígsur eins og í mörgum öðrum framhaldsskólum.

Fimmtudaginn 26. ágúst var haldinn 07-08-09-10 fundur.  Þetta er fundur með öllum nemendum skólans og starfsfólki. Ársæll skólameistari fór yfir ýmsa þætti í starfi skólans eins og umgengni og skólareglur.  Einnig fór hann yfir skóladagatalið og hvað er framundan í skólastarfinu.  Lilja sagði stuttlega frá Innu og Námskjá.   Fullrúar frá nemendafélaginu kynntu nemendafélagið og hvað væri framundan á vegum þess.  Þar má nefna haustferð, söngvakeppni og Áskorendadaga.

Föstudaginn 27. ágúst verður aðalfundur Menntaskóla Borgarfjarðar ehf haldinn í skólanum að Borgarbraut 54.  Á dagskrá eru venjuleg aðalfundarstörf og hefst fundurinn kl 14:00. 

Nemendur athugið! Öllum töflubreytingum lýkur fimmtudaginn 26. ágúst kl. 14

Mánudaginn 23. ágúst kl 18:00 - 19:00 verður fundur stjórnenda MB með foreldrum og forráðamönnum allra nemenda skólans.  Á fundinum verður almenn kynning á skólastarfinu og fulltrúar í stjórn nemendafélagsins verða með kynningu á starfssemi nemendafélagsins.  Tími verður til umræðna og fyrirspurna um allt sem snertir skólastarfið.  Fundurinn verður í hátíðarsal skólans.