Námið

Félagsfræðabraut – íþróttafræðisvið

Félagsfræðabraut þar sem nemendur velja íþróttafræðisvið er ætlað að veita nemendum undirbúning undir leiðbeinendastörf hjá íþróttafélögum og frekara nám á háskólastigi í íþrótta- og heilsufræðum. Megináherslan er á íþróttafræði, íþróttagreinar og þjálfun auk kjarna á félagsfræðabraut. Nánari upplýsingar má finna hér.

Náttúrufræðibraut

Náttúrufræðibraut er ætlað að veita nemendum undirbúning undir nám í heilbrigðis- og raunvísindadeildum háskóla. Megináherslan er á náttúruvísindi, stærðfræði og aðrar raunvísindagreinar. Nánari upplýsingar má finna hér.

Náttúrufræðibraut – íþróttasvið
Náttúrufræðibraut þar sem nemendur velja íþróttafræðisvið er ætlað að veita nemendum undirbúning undir leiðbeinendastörf hjá íþróttafélögum og frekara nám á háskólastigi í íþrótta- og heilsufræðum. Megináherslan er á íþróttafræði, íþróttagreinar og þjálfun auk kjarna á náttúrufræðibraut. Nánari upplýsingar má finna hér.

Náttúrufræðibraut – búfræðisvið
Náttúrufræðibraut þar sem nemendur velja búfræðisvið er ætlað að  veita nemendum undirbúning undir háskólanám í náttúru- og búvísindum og tekur að jafnaði 4 ár. Nemendur taka tvö fyrstu árin í Menntaskóla Borgarfjarðar þar sem megináherslan er á kjarnagreinar til stúdentsprófs og valdar greinar á sviði raunvísinda. Tvö seinni árin taka nemendur við búfræðibrautina á Hvanneyri. Nemendur útskrifast með stúdentspróf frá Menntaskóla Borgarfjarðar og búfræðipróf frá Landbúnaðarháskóla Íslands. Nánari upplýsingar má finna hér.

Almenn braut

Almenn braut er eins árs námsbraut með möguleika fyrir nemendur að færa sig yfir á stúdentsprófsbraut að loknu fyrsta námsári. Brautin er ætluð nemendum sem ekki uppfylla inntökuskilyrði á aðrar námsbrautir. Lögð er áhersla á grunnþjálfun í kjarnafögum. Nánari upplýsingar má finna hér.

Almenn braut – tækninám (AT) í samvinnu við FVA

Almenn námsbraut – tækninám er fyrir nemendur sem hafa áhuga á áframhaldandi námi í iðn- eða tæknigreinum en hentar einnig þeim sem sækjast eftir breiðri almennri menntun og ætla sér að ljúka bóknámsbraut til stúdentsprófs. Meginmarkmið brautarinnar er að veita samhliða góða undirstöðu í handverki, tækni og bóklegum greinum og undirbúning fyrir frekara nám og margvísleg störf. Lögð er sérstök áhersla á sköpun, iðjusemi og þjálfun í góðum vinnubrögðum. Nemendur sem ljúka brautinni hafa þar með lokið fyrsta ári á iðnnámsbrautum við FVA. Nánari upplýsingar má finna hér.

Starfsbraut

Starfsbraut er námstilboð fyrir nemendur sem ekki geta nýtt sér almennt tilboð framhaldsskóla og hafa greiningu fagaðila. Námið er að mestu bóklegt en verklegt eins og kostur. Námstími er 4 ár.  Meginmarkmið námsins er að gera nemendur virka þátttakendur í þjóðfélaginu og sjálfbjarga í daglegu lífi að því marki sem hverjum og einum er mögulegt. Enginn brautarlýsing fylgir með í skólanámskránni þar sem leitast er við að búa til einstaklingsnámskrár eftir atvikum hverju sinni.  Nánari upplýsingar má finna hér.